Xmuhel li ha'

Maajun k'aleb'aal maak'a' xroqha'

maajun k'aleb'aal maak'a' xnima'

maajun k'aleb'aal maak'a' xtzuultaq'a

maajun k'aleb'aal maak'a' rochoch' pek

maajun k'aleb'aal maak'a' riyaj ixim

xb'aan naq eb’ a loq’laj yu’am a'an

nakoexk'e chiwotzok

nakoexch'utub' chi mayejak

nake'xk'e qawah

nake'xk'eho chi uk'ak

nake'xk'eho chi tzolok

re naq tqanaw joq'e chaq li saq’ehil,

joq'e chaq li jab'alq'e

joq’e nachix ut naxork li poh

anajwank

jo' li xwaxo' iru li k'utank saqenk

yalaq joq'e nachal li b'ut / yalaq joq'e nachaqik li ha'

mare ut yal ink'a'chik saqink nakoo ab'ink

mare ut yal xmoy qilob'aal

yal ink'a' tanaachik naqaatina li choql

yal ink'a' tanaachik na qaatina li q'een

yal ink'a' tanaachik na qula'nichaq loq’laj ochochpek

yal ink’a’ tanaachik naqab’oq xmuhel li ha’.

#MarchaPorElAguaGT #YoMarchoPorElAgua #ArtePorLaVida