Ajch'ok

 

Atz’um

 okox

 nik’te’ ha‘

 moqre chiru laa b’aqel

            chi ruuch aawe

            chi ru’j laawismal

 

 k’iru chik aawesil

 tqab’i hulaj kab’ej

        maj xojb’aqat

        ma k’uchaqat

        ma wakaxha’qat

        ma kaqkojaqat

 

 k’iru tzuulil

 k’iru taq’ahal

 txuxb’anq laa k’ab’a’

 

 k’iru siwanil tb’ookonq chaq aawe

 

 at ajkuk

 at ajch’ok

 

 aj k’aak’alenel

 aj awinel

 

 ye qesil reheb’ li qaxe’ li qatoon

 ye li qamajewal

 ye li qaneb’a’il

 

 jilan sa’ xyaalal

 sa‘ xyanq li chahim

 sa’ xyanq li po

 jilan sa‘ xyaalal

 rub’el li inup

 chire li palaw

 

 taqla chaq sa’ xk’ot chahim

 sa’ xmaal qamama’

 xq’esnal qak’a’uxl

 xq’esnal li qaatin