Sutq’iik

…ut ke’ xram li roqha’,

ke’ xeela li tzuultaq’a

ut ke’ ruk’ li xsasal xkikel qana’ ch’och’

ke’ xk’am ajwi’chaq li jalan aatin

ut ke’ xrahobtesi’ li qa paab’aal

na aakanik li qach’ool

na aakanik li qapaab’aal

na aakanik li tzuultaq'a

…ha’an le pe’ li wakliik!

Ab’anan!

Laj k’aak’alenel re li ha’ ki xkutb’es rib’

Li tzuultaq’a ki reek’asi li xjuruch’ ut kixchil li tz’aj

Ut li aatin, ki aatino’ wi'chik, ut xqatz’iib’a wi’chik

Ut xqawaklisi wi’chik li qapaab’aal

Ut ki eek’ank wi’chik li qaxam, jo’ li k’anti’ chiru li iq’

Kiqil wi’chik li qawa’ saq’e

Xqa taw wi’chik li qa b’e

Laa’o pe’ laj q’e!

 M.Bolom | 11Q'anil