B’ich re xwartasinkil xYu'am

Warin a na'

     warin

          warin

ak xnume’ chik loq’laj kutank saqenk

xko’o qawa’ saq’e, xb’alunk chikan

xjulak xhonalil naq toojilanq

xjulak xhonalil naq tjilanq li qak’anjelob'aal

ak xoo b’atz’unk ajwi'

     ak xoo b’ehek ajwi'

          ak xoo tzekank ajwi'

               ak xoo aatinak ajwi'

                    ak xoo ilok ajwi'

                         ak xoo se’ek ajwi'

                              ak xoo yaab’ak ajwi'

anajwank xhonalil chi loq'laj q'ojyink

xhonalil chik loq’laj chahim

xhonal chik qana' poh

xhonaleb’ chik li tz'iray

xhonaleb’ chik li warom

warin a na'

     warin

          warin

ka’ajb’anwi' naq tqa b'antioxi

qasahilal, qausilal

qayu’am, qawanjik

tqab’antioxi ajwi’ chixjunil li naj si chaq qe loq’laj tzuultaq'a

bantioxinkil ajwi’ reheb’ qamama’ qixa’an naq yooko chi nume’k chiru xneb’aaneb'

warin a na'

     warin

          warin

re naq julaj

tat ajq chi sa aach'ool

ha’an taxaq loq’laj saq’e chi kutanob’resinq li qab'e

b’arwi’ tqak’eh li qayokb'

chi saqewqta chi hik’eqta

loq’laj kutank saqenk

warin a na’

     warin

          warin.